|
God jul og godt nyttår
|
Den tradisjonelle juleavslutninga er no gjennomført, og elevar og tilsette ser no fram til ein lang og fredeleg juleferie. Tysdag 21. desember starta skuledagen med velsmakande julegraut på klasseromma. Samlinga i atriet vart innleidd med finalen i bordtennisturneringa, før elevrådsleiar Elin Njåstad ønskte alle velkomen. Sidan fekk ein stemningsfull og stemningsskapande musikkinnslag ved Hanne og Christine, kvardagslivsgruppa og personalkoret. OD-komiteen delte ut den rekordstore sjekken til barneheimen i Uganda. Jentene i OD-komiteen gav elevane skryt for årets innsats, og dei fekk sjølve velfortente blomar som takk for alt arbeidet dei har hatt. Elevrådet fekk også utdelt roser. Dei har vore ei drivkraft i år, seinast med utspel i lokalavisa om trafikktryggleik og ei godt gjennomført volleyballturnering dagen før. Som vanleg vart ymse utmerkingar i form av sjokoladepremiar delt ut. Ei populær innleiing til den søte juletid.
Då står det berre att å ønskja alle
hjarteleg god jul og godt nytt år. |
|
 |
Sist veke var det utdanningsmesse i Osterøyhallen -
ei godt besøkt messe med mange og varierte utstillarar. Denne veka var det arnaungdomen sin tur, og for tredje året var Osterøy vidaregåande ein av utstillarane i Bjørnarhallen. Mange har kommentert årets flotte brosjyrer og nye roll-ups med fargerike bilde av elevar i aksjon. Den "karamellskytande" roboten var med på begge messene, men størst merksemd fekk nok den fysiske prestasjonen til Vg3-eleven Knut Andreas Lone i Osterøyhallen. Les meir om det her.
|
|